سازمان پیمان امنیت جمعی: مرز تاجیکستان با افغانستان را تقویت می‌کنیم
حوت 23, 1402 13:28 Asia/Kabul
-
سازمان پیمان امنیت جمعی: مرز تاجیکستان با افغانستان را تقویت می‌کنیم
یمانگلی تاسماگمبتوف دبیر کل سازمان پیمان امنیت جمعی گفته که این پیمان در حال تقویت مرز تاجیکستان با افغانستان است.
به گزارش رادیو دری، تاسماگمبتوف روز سه‌شنبه 22 حوت، به خبرگزاری تاس روسیه گفته که پیش‌نویس این طرح از سوی شورای دائمی این پیمان تایید و به کشورهای عضو آن ارایه شده است.
به گفته او، تلاش‌های جدی از سوی سازمان پیمان امنیت جمعی برای تقویت مرز تاجیکستان با افغانستان جریان دارد.
وی افزوده که اراده سیاسی تاجیکستان و قرقیزستان که در معرض بیشتر تهدیدات تروریستی از خاک افغانستان قرار دارند، برای اجرای این طرح مهم است.
این در حالی است که روسیه و تاجیکستان از نفوذ گروه‌های تروریستی از افغانستان نگران اند.
سازمان پیمان امنیت جمعی از افزایش حضور داعش در مرزهای افغانستان و تاجیکستان خبر داد
کلیدواژه
