کابلوف: تاجیکستان با حضور طالبان در سازمان شانگهای مخالفت می‌کند
-
کابلوف: تاجیکستان با حضور طالبان در سازمان شانگهای مخالفت می‌کند
نماینده ویژه رئیس جمهوری روسیه در امور افغانستان می گوید که تنها کشوری که با حضور طالبان در سازمان همکاری‌های شانگهای (SCO) مخالفت می‌کند، تاجیکستان است.
به گزارش رادیو دری؛ ضمیر کابلوف افزود: بیشتر شرکت‌کنندگان در نشست ۲۰ و ۲۱ می قزاقستان، خواهان از سرگیری کارگروه همکاری شانگهای و افغانستان بوده‌اند، اما تاجیکستان با آن مخالفت کرده است.
این دیپلمات روس ابراز امیدواری کرده است که دوشنبه به‌زودی موضع خود را در قبال افغانستان بازبینی کند.
این گزارش حاکی است در نشست اخیر وزیران خارجه کشورهای عضو سازمان شانگهای در قزاقستان، مخالفت دولت دوشنبه با حضور طالبان در این سازمان، یکی از موارد مناقشه برانگیز بوده است.
این در حالی است که طالبان یک سال پیش خواهان اشتراک در نشست‌های سازمان شانگهای شده بود.
طالبان تا کنون درباره مخالفت تاجیکستان با حضور این گروه در سازمان همکاری‌های شانگهای اظهار نظر نکرده‌اند.
تاجیکستان، پس از سقوط حکومت پیشین، هنوز هیچ رابطه دیپلماتیکی با حکومت طالبان ندارد و سفارت افغانستان در دوشنبه را نیز دیپلمات های حکومت پیشین اداره می‌کنند.
تاجیکستان: افغانستان بار دیگر به مرکز «تروریسم» تبدیل شده است
سازمان پیمان امنیت جمعی: مرز تاجیکستان با افغانستان را تقویت می‌کنیم
