تأکید تاجیکستان و پاکستان بر ایجاد دولت فراگیر در افغانستان
-
تأکید تاجیکستان و پاکستان بر ایجاد دولت فراگیر در افغانستان
رئیس جمهور تاجیکستان و نخست وزیر پاکستان بر تشکیل دولت فراگیر برای ثبات در افغانستان تأکید کردند.
به گزارش رادیو دری، شهباز شریف نخست وزیر پاکستان و امامعلی رحمان رئیس جمهور تاجیکستان طی دیداری در شهر دوشنبه درباره مسائل مختلف از جمله افغانستان گفت وگو کردند.
وزارت خارجه پاکستان در بیانیه‌ای درباره این دیدار نوشت: مقام های ارشد دو کشور، افغانستان صلح‌آمیز و مرفه را برای امنیت منطقه مهم اعلام کردند.
بر اساس این بیانیه، شهباز شریف و امامعلی رحمان همچنین تاکید کردند که تشکیل یک دولت فراگیر برای ثبات افغانستان مهم است.
بیانیه افزوده است که بین سران پاکستان و تاجیکستان توافقنامه همکاری‌های استراتژیک نیز به امضا رسید.
نخست وزیر پاکستان گفته است کشورش در حال حاضر از بندر کراچی و مسیر افغانستان، به تاجیکستان کالاهای تجاری ارسال می‌کند اما دولت اسلام‌آباد در تلاش است تا از طریق جاده و خط ریلی نیز به تاجیکستان متصل شود.