سرپرست وزارت معادن گروه طالبان به ترکمنستان رفت

هدایت‌الله بدری، سرپرست وزارت معادن و پترولیم حکومت طالبان در رأس یک هیأت روز چهارشنبه به ترکمنستان سفر کرد. 

به گزارش رادیو دری، همایون افغان، سخنگوی وزارت معادن و پترولیم حکومت طالبان گفته است که این هیأت با مقامات ترکمنستان در شهر عشق‌آباد، پایتخت آن کشور دیدار خواهند کرد.

به گفته افغان، در این دیدار در مورد توسعه همکاری‌های دوجانبه در بخش پروژه‌های تاپ، راه آهن و همچنان آغاز کار عملی پروژه تاپی در افغانستان گفتگو خواهد شد.

این در حالی است که هدایت‌الله بدری سرپرست طالبان در وزارت معدن در فهرست تحریم‌های بین‌المللی قرار دارد و ممنوع السفر است.

سفر هیات طالبان به ترکمنستان