سخنان سفیر افغانستان در روسیه صدای وزارت خارجه تاجیکستان را درآورد
وزارت امور خارجه تاجیکستان به طور رسمی به سخنان سفیر افغانستان در روسیه اعتراض کرد و سخنان وی را بی پایه و اساس خواند.
به گزارش فارس،وزارت امور خارجه تاجیکستان به طور رسمی به سخنان «عبدالقیوم کوچی» سفیر افغانستان در روسیه اعتراض کرد.
وزارت امور خارجه تاجیکستان ادعاهای سفیر افغانستان در روسیه در مورد اینکه گویا در تاجیکستان گروه‌های قوی مافیای وجود دارند و به قاچاق مواد مخدر افغانستان مشغول هستند را رد کرد و آنها را بی پایه و اساس خواند.
در بیانیه وزارت امور خارجه تاجیکستان آمده است: در این راستا سفیر افغانستان در دوشنبه به وزارت خارجه دعوت و یادداشت اعتراض شدید طرف تاجیک در ارتباط با اظهارات تحقیرآمیز سفیر افغانستان در روسیه نسبت مردم و دولت این کشور، تحویل شد.
در این یادداشت، دولت تاجیکستان به صورت قاطع به دولت افغانستان هشدار داده سخنان یک از مقامات رسمی این کشور را مورد بازبینی قرار داده و تدابیر موثری در این زمینه به کار گیرند.
وزارت خارجه تاجیکستان در این زمینه عنوان کرد: دولت افغانستان به سخنان تحقیرآمیز سفیر این کشور در روسیه که گویا نظر شخصی وی نیز هست، واکنش نشان دهد.
وزارت خارجه تاجیکستان همچنین از دولت افغانستان خواسته به طور جداگانه در مورد سخنان «عمر صوفی» استاندار سابق قندوز به این که تانک‌های طالبان در قلمرو تاجیکستان توسط روسها تعمیر می‌شود، توضیح دهد.
وزارت خارجه تاجیکستان با بیان اینکه تعمیر تانک‌های طالبان در قلمرو این کشور غیرممکن است، تصریح کرد، گزارش بدون منطق استاندار سابق قندوز را می‌توان دسیسه‌ای برای تصویر منفی چهره تاجیکستان در جامعه افغانستان عنوان کرد.
اعتراض وزارت خارجه تاجیکستان در حالی عنوان شده است که عبدالقیوم کوچی سفیر افغانستان در مسکو ماه گذشته در ملاقات با مقامات روس گفته بود: مواد مخدر در افغانستان کشت می‌شود، ولی پشت سر آن شما (روس ها) و مافیای تاجیکستان است.