برگزاری آیین جشن نوروز در ولایت بلخ
نوروز در افغانستان به ویژه در ولایت بلخ همه ساله با شور اشتیاق زیادی جشن گرفته می‌شود درحالی که شماری از شاعران و فرهنگیان در این ولایت می‌گویند، از نوروز در سال‌های گذشته بگونه ای کمرنگ تجلیل می گردید.
به گزارش خیبر ابراهیمی خبرنگار رادیو دری، در همین حال، شماری از شهروندان افغانستان که برای تجلیل از نوروز به شهر مزارشریف آمده اند، می‌گویند: امسال نیز همانند سال گذشته از این روز گرامی داشت بعمل آمده است.
نوروز به عنوان اولین روز سال نو در بسیاری از کشورهای دنیا از قبیل افغانستان، ترکمنستان، تاجیکستان، ازبکستان، قزاقستان، قرقیزستان، عراق، ترکیه، پاکستان، هندوستان، روسیه، آلبانی، چین، ژاپن، ایران و آذربایجان مورد تجلیل قرار می گیرد.
تجلیل از نوروز، سابقه ای کهن بیش از 3 هزار سال دارد و گفته می شود که بیش از 300 میلیون نفر سالانه آن را جشن می گیرند.
