دو مظنون حمله به خاک تاجیکستان در بدخشان بازداشت شدند

در پی حملات مرزی مرگبار از خاک افغانستان به تاجیکستان در هفته گذشته، طالبان دو نفر را در ولایت بدخشان به اتهام دست داشتن در این حملات بازداشت کردند.

به گزارش رادیو دری؛  این حملات که با پهپاد و پرتاب نارنجک انجام شد، به کشته شدن پنج شهروند چینی و زخمی شدن پنج نفر دیگر انجامید.

سخنگوی فرماندهی پلیس حکومت طالبان در بدخشان اعلام کرد که دو فرد مظنون در ولسوالی مایمی دستگیر شده‌اند.

احسان‌الله کامگار جزئیات بیشتری درباره هویت افراد بازداشت شده ارائه نکرده است.

در پی حملات مرزی از خاک افغانستان به  تاجیکستان و آسیب دیدن شهروندان چینی شاغل در شرکتی در منطقه ختلان، وزارت خارجه چین تحقیق فوری و شفاف در این باره را خواستار شد و  از شهروندان خود خواست مناطق مرزی بین افغانستان و تاجیکستان را ترک کنند.

وزارت خارجه حکومت طالبان نیز  این حادثه را محکوم کرد و مسوولیت آن را متوجه گروه‌هایی دانست که برای ایجاد هرج و مرج و بی‌ثباتی میان کشورهای منطقه تلاش می‌کنند.

شورای عالی مقاومت ملی افغانستان حمله پهپادی به تاجیکستان را محکوم کرد

حملات مرزی از افغانستان به تاجیکستان 10 کشته و زخمی برجای گذاشت