اخراج یکصد خانواده افغان از تاجیکستان

حکومت طالبان اعلام کرد که تاجیکستان صد خانواده افغان را از این کشور اخراج کرده است.

به گزارش رادیو دری، وزارت امور مهاجرین و عودت کنندگان حکومت طالبان از خروج صد خانواده افغان از تاجیکستان خبر داد. 

پیش از این برخی منابع خبری اعلام کرده بودند که تاجیکستان در حال اخراج مهاجران افغانستانی است.

تاجیکستان سومین کشور همسایه افغانستان است که مهاجران افغان را اخراج می‌کند.

در سال جاری میلیون‌ها مهاجر غیرمجاز افغان از پاکستان و ایران به کشور خود بازگشتند.

مقام‌های حکومت طالبان می‌گویند در چهار سال گذشته هفت میلیون مهاجر به افغانستان بازگشته اند.

آنان از واگذاری زمین به مهاجران بازگشته خبر می‌دهند و می‌گویند تاکنون سه هزار و 46 قطعه زمین برای مهاجران بازگشته به افغانستان در ولایات مختلف کشور توزیع شده است.

روند اعطای زمین برای مهاجران بازگشته به افغانستان شتاب گرفته است