طالبان بر هماهنگی با تاجیکستان برای توقف قاچاق مواد مخدر تأکید کرد

سخنگوی طالبان می گوید: قاچاق مواد مخدر از افغانستان به تاجیکستان به‌دلیل طولانی بودن مرز مشترک میان دو کشور، به‌طور کامل قابل کنترل نیست.

به گزارش رادیو دری، ذبیح‌الله مجاهد افزود: علی‌رغم تمامی تلاش‌ها، قاچاق مواد مخدر همچنان از افغانستان به تاجیکستان ادامه دارد و قاچاقچیان از طولانی بودن مرز مشترک دو کشور سوءاستفاده می‌کنند.

وی تاکید کرد: اداره طالبان در تلاش است مشکلات مرزی را حل و از قاچاق مواد مخدر جلوگیری کند و در این زمینه  طالبان و تاجیکستان با یکدیگر هماهنگ هستند و در آینده اقدامات بیشتری برای مقابله با قاچاق مواد مخدر روی‌دست گرفته خواهد شد.

مرزبانی تاجیکستان دهم دلو گزارش داد که در درگیری با گروهی از قاچاقچیان مسلح در امتداد مرز افغانستان سه قاچاقچی کشته شده‌اند.

وزیر داخله تاجیکستان: وعده طالبان برای جلوگیری از قاچاق مواد مخدر عملی نشده است