رد شایعه ارسال سلاح‌های روسی برای طالبان از خاک تاجیکستان
سفیر تاجیکستان در کابل ادعای نماینده «قندوز» در پارلمان افغانستان مبنی بر انتقال سلاح‌های روسی برای طالبان از طریق خاک تاجیکستان را بی‌پایه و اساس خواند.
به گزارش خبرگزاری فارس در دوشنبه، «شراف الدین امام اف» سفیر تاجیکستان در کابل ضمن رد ادعای «عبد الودود پیمان» نماینده «قندوز» در پارلمان افغانستان مبنی بر انتقال سلاح‌های ساخت روسیه ازطریق خاک تاجیکستان برای طالبان، گفت این شایعات هفته گذشته پس از بازگشت نماینده پارلمان افغانستان از قندوز مطرح شد.
سفیر تاجیکستان در کابل گفت، "پیمان" برای تائید این خبر هیچ دلیلی ندارد و این نماینده پارلمان افغانستان شخصا از وی برای انتشار این خبر در رسانه‌های افغان عذرخواهی کرده است.
نماینده پارلمان افغانستان در اظهارات خود مدعی شده بود که در حالی که انتقال سلاح از پاکستان به شمال افغانستان غیرممکن است، سلاح‌های روسی از طریق تاجیکستان توسط رودخانه «رودخانه آمو» به نواحی «دشت ارچی» و «درقد» ولایت قندوز منتقل می‌شوند.
اما سفیر تاجیکستان در کابل گفت، در 12 سال اخیر حفظ مرزهای جنوبی تاجیکستان بر عهده مرزبانان تاجیک بوده وهیچ نظامی روسی امکان دسترسی به مناطق مرزی این کشور را ندارد و دوربین‌های مداربسته از طرف مرزبان‌های تاجیک برای حفظ مرز نصب شدند.