تاکید تاجیکستان و افغانستان بر مبارزه با تروریسم
امامعلی رحمان، رئیس جمهوری تاجیکستان و صلاح‌الدین ربانی، وزیر امور خارجه افغانستان بر مبارزه با تروریسم و حفاظت از مرزهای دو کشور تاکید کردند.
به گزارش روز شنبه خبرگزاری ایرنا، در این دیدار مقامات تاجیک و افغان بر آمادگی و علاقه مندی خود برای توسعه همکاری های منطقه ای ازجمله اجرای طرح خطوط راه آهن و خطوط انتقال نیروی برق تاکید کردند.
امامعلی رحمان و صلاح‌الدین ربانی همچنین به بررسی مسائلی نظیر مبارزه با تروریسم بین‌المللی، افراط گرایی، قاچاق مواد مخدر و مسائل مرزی دو کشور پرداختند.
صلاح‌الدین ربانی در این دیدار گفت، کابل به گروه های تروریستی فرصت نخواهد داد تا از خاک افغانستان علیه کشورهای همسایه استفاده کنند.
مقامات تاجیک بارها از تجمع گروه های افراطی در مناطق شمال افغانستان و هم‌مرز با استان های ختلان و بدخشان تاجیکستان ابراز نگرانی کرده‌اند.
تاجیکستان با افغانستان بیش از یک هزار و 300 کیلومتر مرز دارد که حفاظت از بسیاری از این مناطق مرزی سخت و پر هزینه است .
گفته می شود این مرز طولانی یکی از راههای قاچاق مواد مخدر است که سالانه در این مناطق دهها درگیری بین مرزداران تاجیک و قاچاقچیان روی می دهد.
صلاح‌الدین ربانی، وزیرامورخارجه افغانستان که از روز پنج شنبه گذشته برای انجام سفر رسمی به تاجیکستان سفر کرده است، فردا عازم کابل خواهد شد.
