خطر طالبان در مرزهای تاجیکستان

مسئولان مرزبانی تاجیکستان می‌گویند که وضعیت در مرز این کشور با افغانستان در منطقه اشکاشیم با وجود آنکه طالبان به مرز نزدیک شده اند؛ آرام و تحت کنترل است.

اواخر هفته گذشته گروه طالبان مرکز ولسوالی زیباک بدخشان افغانستان در 35 کیلومتری مرز با ناحیه اشکاشیم تاجیکستان را به اشغال خود درآوردند.

به گزارش ایرنا، «محمدجان خواجه‌یف»، سخنگوی کمیته مرزبانی امنیت ملی تاجیکستان روز دوشنبه به رسانه های محلی گفت که امکان دارد در آن سوی مرز عملیات نیروهای انتظامی افغان علیه جنگجویان ادامه‌ داشته باشد، اما در مجموع وضعیت در مرز تاجیکستان با افغانستان هم در اشکاشیم و هم دیگر مناطق سرحدی، آرام است.

تاجیکستان با افغانستان حدود یکهزار و 400 کیلیومتر مرز دارد. اواخر هفته گذشته نیروهای گروه طالبان مرکز ولسوالی زیباک بدخشان افغانستان در 35کیلومتری مرز با ناحیه اشکاشیم تاجیکستان را به تصرف درآورند.

یک مسئول محلی در ناحیه اشکاشیم گفت که مرکز ولسوالی زیباک بدخشان افغانستان از مرز تاجیکستان 35 کیلومتر دورتر است و هیچگونه نشانه‌های جنگ و درگیری از این سوی مرز مشاهده نمی‌شود.

اهالی ناحیه زیباک می‌گویند که اگر این منطقه را طالبان حفظ کنند، به آسانی می‌توانند به پاکستان رفت و آمد کنند و همچنین دیگر منطقه‌های بدخشان را نیز تهدید نمایند.

در همین حال، مقامات افغان از آغاز عملیات بازپس گیری زیباک از طالبان، خبر دادند. ولسوالی زیباک در 100 کیلومتری شهر فیض‌‌آباد مرکز ولایت بدخشان قرار داشته و از طریق راه «شاه سلیم» با« چیترال» پاکستان مرز داشته با ولسوالی های «وردوج» و «اشکاشیم» این ولایت نیز هم مرز است.

طالبان یک گروه افراطی مذهبی است، که در اواسط سالهای 1990 در فضای سیاسی افغانستان عرض اندام کرده است، در سال 1996 میلادی کابل و بیشتر قلمرو افغانستان را تصرف کرد. رژیم طالبان، که در مناطق تحت نظارتش معیارهای شدید مذهبی را جاری کرده بود، در پایان سال 2001 از سوی ائتلاف بین‌المللی سقوط کرد اما این گروه به مقاومتش ادامه‌ داد و در دو سال گذشته به دلیل ضعف حکومت مرکزی، به پیشرفتهایی دست یافته است.