دیدار رئیس امنیت ملی تاجیکستان با مقامات ارشد افغانستان
رئیس کمیته امنیت ملی تاجیکستان در سفری به «کابل» با رئیس جمهور و سران نهادهای امنیتی و دفاعی افغانستان دیدار و گفت‌وگو کرد.
به گزارش رادیو دری، «سعیدمومن یتیم اف» رئیس کمیته امنیت ملی تاجیکستان در سفر به افغانستان با رئیس جمهور و سران نهادهای امنیتی و دفاعی این کشور ملاقات کرد.
یتیم اف طی این سفر با «اشرف غنی» رئیس جمهور، «معصوم استانکزی» رئیس عمومی امنیت ملی، «بهرام طارق شاه» وزیر دفاع، «احمد ویس برمک» وزیر کشور و «حنیف اتمر» مشاور امنیت ملی افغانستان دیدار و در خصوص مسائل مربوط به مبارزه با تروریسم و سایر موضوعات مهم امنیتی بحث و گفت‌وگو کرد.
تأمین امنیت مرزها، مبارزه با تروریسم، جلوگیری از قاچاق مواد مخدر و اسلحه از موضوعات محوری ملاقات هیأت امنیتی تاجیک با نهادهای مربوطه افغانستان به شمار می‌روند.
در دیدار هیأت امنیتی تاجیکستان با رئیس جمهور افغانستان به تقویت مناسبات میان 2 کشور تاکید شده است.
این دومین سفر رئیس کمیته امنیت ملی تاجیکستان به کشورهای منطقه طی کمتر از یک ماه اخیر می باشد.