مرز افغانستان - تاجیکستان بسته شد

با هدف جلوگیری از اقدامات تروریستی در زمان انتخابات پارلمانی در افغانستان که از امروز تحت تدابیر شدید امنیتی در حال برگزاری است، مرز این کشور با تاجیکستان نیز بسته شد.

به گزارش خبرگزای اوستا تاجیک، محمد اوغوداف فرمانده نیروهای امنیت ملی مرزهای تاجیکستان گفت که به درخواست دولت افغانستان، تمام مرزهای میان دو کشور در زمان برگزاری انتخابات پارلمانی این کشور به دلیل تهدید گروه های تروریستی بسته خواهند ماند. 

نصرت رحیمی نماینده وزارت امور داخلی افغانستان نیز گفت که تصمیم بستن مرزها با هدف تامین امنیت در روز برگزاری انتخابات و جلوگیری از تهدید گروه های تروریستی گرفته شده است.

به گفته وی، از امروز(شنبه) همزمان با روند برگزاری انتخابات مجلس در افغانستان، تردد شهروندان و خودروها از مرزهای افغانستان به طور موقت قطع شده است .