چهره‌هایی که در لویه جرگه مشورتی صلح حضور ندارند
در جرگه مشورتی که امروز افتتاح شد چهره های مهم سیاسی افغانستان از جمله عبدالله عبدالله، رئیس اجرائیه دولت وحدت ملی حضور نداشتند.
در جرگه مشورتی صلح همچنین گروه انتخاباتی "صلح و اعتدال" به رهبری محمد حنیف اتمر، مشاور پیشین امنیت ملی افغانستان، و گروه "امنیت و عدالت" به رهبری رحمت‌الله نبیل، رئیس پیشین امنیت ملی نیز در نشست امروز حضور نداشتند.
از رهبران جهادی و احزاب سیاسی، محمد کریم خلیلی، رئیس شورای عالی صلح، گلبدین حکمتیار، رهبر حزب اسلامی و صلاح الدین ربانی رهبر حزب جمعیت اسلامی نیز غایبان دیگر جرگه بودند.
شخصیت‌های با نفوذ همانند ژنرال عبدالرشید دوستم، محمد محققق، محمد یونس قانونی، اسماعیل خان، حامدکرزی، رئیس جمهوری پیشین افغانستان و عطا محمد نور نیز در این نشست حضور نداشتند.
لویه جرگه مشورتی صلح از امروز در کابل شروع شده و قرار است تا 4 روز آینده ادامه داشته باشد.
