تاکید رییس جمهوری تاجیکستان بر استرداد 80 زندانی افغان به کابل
رییس جمهوری تاجیکستان از آزادی 80 تبعه افغانستان که در آن کشور بازداشت هستند خبر داد.
به گزارش ایرنا، وزارت امور خارجه افغانستان روز جمعه در بیانیه ای اعلام کرد، «امامعلی رحمان» در دیدار «صلاح الدین ربانی» سرپرست وزارت امور خارجه افغانستان در دوشنبه به وی اطمینان داده است که 80 تبعه آن کشور را که در تاجیکستان محبوسند به زودی آزاد و به افغانستان منتقل خواهند شد.
رییس جمهوری تاجیکستان و سرپرست وزارت خارجه افغانستان در این دیدار درباره امنیتی - اقتصادی و طرح های توسعه ای بحث و تبادل نظر کردند.
«صلاح الدین ربانی» سرپرست وزارت امور خارجه افغانستان برای شرکت در کنفرانس بین المللی «همکاری‌های بین‌المللی و منطقه ای در زمینه مبارزه با تروریسم و منابع تامین مالی آن، از جمله قاچاق مواد مخدر و جرایم سازمان یافته» به دوشنبه پایتخت تاجیکستان سفر کرده است.
