Իրանի նախագահին սպասում ենք Երևանում. Փաշինյան
Սեպտեմբեր 16, 2019 15:16 Asia/Tehran
ՀՀ վարչապետ Նիկոլ Փաշինյանը հայտնեց, որ սպասվում է Իրանի Իսլամական Հանրապետության նախագահի այցը Երևան` ներկա գտնվելու Եվրասիական տնտեսական միության Բարձրագույն խորհրդի նիստին:
«Արմենպրես»-ի փոխանցմամբ` այս մասին Փաշինյանը հայտնեց սեպտեմբերի 16-ին հրավիրված մամուլի ասուլիսի ընթացքում:
«Մենք հոկտեմբերի 1-ին սպասում ենք նրան Երևանում»,- ասաց վարչապետը:
Եվրասիական տնտեսական միության Բարձրագույն խորհրդի նիստը տեղի կունենա հոկտեմբերի 1-ին, Երևանում: Խորհրդի նիստին կմասնակցեն ԵԱՏՄ անդամ երկրների ղեկավարները: Հյուրի կարգավիճակով նիստին հրավիրվել են նաև Իրանի Իսլամական Հանրապետության նախագահ Հասան Ռոհանին, Սինգապուրի վարչապետ Լի Սյեն Լուն, և Մոլդովայի Հանրապետության նախագահ Իգոր Դոդոն:
Armenpress.am
Պիտակ
