Սերգեյ Լավրովն ու Արարատ Միրզոյանն օգոստոսին կհանդիպեն Մոսկվայում
Սերգեյ Լավրովն ու Արարատ Միրզոյանն օգոստոսի 31-ին կհանդիպեն Մոսկվայում
Սերգեյ Լավրովն ու Արարատ Միրզոյանն օգոստոսի 31-ին կհանդիպեն Մոսկվայում
Օգոստոսի 31-ին Մոսկվայում տեղի կունենա Ռուսաստանի ԱԳ նախարար Սերգեյ Լավրովի եւ Հայաստանի արտգործնախարար Արարատ Միրզոյանի հանդիպումը, որը աշխատանքային այցով կմեկնի Ռուսաստան, հայտնում է ՌԴ ԱԳՆ պաշտոնական կայքը:
Հանդիպմանն ԱԳ նախարարները նախատեսում են քննարկել հայ-ռուսական դաշինքի զարգացման հետագա քայլերը բոլոր ոլորտներում, ընդհանուր ինտեգրացիոն ասոցիացիաներում, ինչպիսիք են ԱՊՀ-ն, ՀԱՊԿ-ը, ԵԱՏՄ-ն, ինչպես նաեւ՝ ՄԱԿ-ում, ԵԱՀԿ-ում եւ այլ միջազգային կազմակերպություններում:
«Կքննարկվեն Լեռնային Ղարաբաղի վերաբերյալ Ռուսաստանի, Հայաստանի եւ Ադրբեջանի առաջնորդների՝ 2020 թվականի նոյեմբերի 9-ին եւ 2021 թվականի հունվարի 11-ին ձեռք բերված համաձայնությունների կատարման առաջընթացը, այդ թվում՝ հումանիտար խնդիրները եւ Հարավային Կովկասում տնտեսական եւ տրանսպորտային կապերի արգելափակումը»,- ասվում է հաղորդագրության մեջ:
