Ադրբեջանի կողմից կրակոցից զոհվել է հայ զինծառայող
Ադրբեջանական զինված ուժերը ստորաբաժանումներն այսօր կրակ են բացել հայ-ադրբեջանական սահմանի Արարատի մարզի, մասնավորապես՝ Երասխի հատվածում տեղակայված հայկական դիրքերի ուղղությամբ
Սեպտեմբերի 1-ին՝ ժամը 11։10-ի սահմաններում, ադրբեջանական զինված ուժերը ստորաբաժանումները հերթական անգամ, հրաձգային զինատեսակներից և դիպուկահար հրացաններից կրակ բացելով հայ-ադրբեջանական սահմանի Արարատի մարզի, մասնավորապես՝ Երասխի հատվածում տեղակայված հայկական դիրքերի ուղղությամբ, ինչի հետևանքով մահացու հրազենային վիրավորում է ստացել N զորամասի պայմանագրային զինծառայող, կրտսեր սերժանտ Գեղամ Լյովայի Սահակյանը։ Այս մասին հաղորդում է ՀՀ պաշտպանության նախարարությունը։
Պաշտպանության նախարարությունը խստիվ դատապարտում է ադրբեջանական կողմի գործողությունները և նախազգուշացնում, որ դրանք անպատասխան չեն մնա։ Իրադրության սրման ամբողջ պատասխանատվությունն ընկնում է Ադրբեջանի ռազմաքաղաքական ղեկավարության վրա»,- ասվում է ՊՆ հաղորդագրությունում։
hetq.am/hy
