Համագործակցության մեկնարկ՝ ԲՊՀ-ի և Իրանի «Ալլամե Թաբաթաբայի»-ի անվան համալսարանի միջև
2021 թ.- օգոստոսի 13-ին ՀՀ-ում ԻԻՀ դեսպանատան մշակույթի կենտրոնի խորհրդական Սեյյեդ Հոսեյն Թաբաթաբային և Իրանի Ալլամե Թաբաթաբայիի անվան համալսարանի միջազգային գիտական համագործակցության բաժնի պրոռեկտոր Մանդանա Թիշեյարը այցելեցին Վ. Բրյուսովի անվան պետական համալսարան:
Հանդիպման ընթացքում քննարկվեցին մի շարք գործնական հնարավորություններ և համագործակցության հեռանկարներ: Տիկին Թիշեյարը նշեց,որ Ալլամե Թաբաթաբայի համալսարանը, լինելով Իրանի հումանիտար և հասարակական գիտությունների ամենամեծ և կարևոր համալսարաններից մեկը, կարևորում է համագործակցությունը ԲՊՀ-ի հետ:
Իր հերթին ԲՊՀ ռեկտոր Կ. Հարությունյանը հաստատեց համագործակցության ռազմավարական նշանակությունը ԲՊՀ-ի, ինչպես նաև Հայաստանի Հանրապետության համար:
Հյուրերը այցելեցին նաև պարսկերենի լսարան և ծանոթացան առկա գրականությանը:
https://brusov.am
