Իրանի և Հայաստանի խորհրդարանների ներկայացուցիչները կարևորել են երկու երկրների հարաբերությունների ընդլայնումը
Հայաստանի Ազգային ժողովի նախագահի հետ Իրանի իսլամական խորհրդարանի ներկայացուցիչների պատվիրակության հանդիպման ժամանակ կարևորվել է երկու երկրների հարաբերությունների ընդլայնումը:
Երկուշաբթի օրը, Իրան-Հայաստան խորհրդարանական բարեկամության խմբի ղեկավար Սեյեդ Մեհդի Ֆարշադանի գլխավորած պատվիրակությունը Երևանում հանդիպել է ՀՀ ԱԺ նախագահ Ալեն Սիմոնյանի հետ: Իրանական պատվիրակությունը Հայաստանում է՝ երկու երկրների խորհրդարանների միջև հարաբերությունների ընդլայնման նպատակով:
Հանդիպման ժամանակ Ալեն Սիմոնյանը վստահություն է հայտնել, որ այցը և երկու երկրների խորհրդարանների միջև համագործակցության շարունակությունը կնպաստեն Հայաստանի և Իրանի միջև հարաբերությունների ընդլայնմանը, ինչպես նաև տարբեր ոլորտներում համագործակցության ամրապնդմանը:
Կողմերը քննարկել են երկու երկրների խորհրդարանների կարողությունների օգտագործումը՝ քաղաքական, տնտեսական և մշակութային ոլորտներում հարաբերությունների ընդլայնման համար։
Այցի ընթացքում իրանական պատվիրակության անդամները կհանդիպեն Հայաստանի մի շարք պաշտոնյաների հետ և կայցելեն մշակութային որոշ կենտրոններ:
