Հայաստանը կմասնակցի ատոմային էներգիայի խաղաղ օգտագործման հարցերով ԱՊՀ հանձնաժողովի նիստին

Հայաստանը կմասնակցի 2022 թվականի հունվարի 25-28-ը Ռուսաստանի Դաշնության Սանկտ Պետերբուրգ քաղաքում նախանշված ԱՊՀ ատոմային էներգիայի խաղաղ օգտագործման հարցերով միջկառավարական հանձնաժողովի քսաներկուերորդ նիստին:

ՀՀ վարչապետ Նիկոլ Փաշինյանի որոշմամբ` նիստին մասնակցելու համար ՌԴ է գործուղվել ՀՀ միջուկային անվտանգության կարգավորման կոմիտեի նախագահի տեղակալ Վահե Գրիգորյանը։

Գործուղման ճանապարհի ու գիշերակացի ծախսերը հոգալու է հրավիրող կողմը։

Ատոմային էներգիայի խաղաղ օգտագործման բնագավառում Անկախ պետությունների համագործակցության մասնակից պետությունների տեղեկատվական ռեսուրսների ձևւավորման ու փոխանակման մասին համաձայնագիրը կնքվել է 2007թ. սեպտեմբերի 14-ին։

armeniasputnik.am