«Հայաստան» դաշինքի անունից սադրիչ թռուցիկներ են տարածվում. Գեղամ Մանուկյան
Օգոստոս 21, 2022 16:10 Asia/Tehran
«Հայաստան» դաշինքի անունով ու տարբերանշանով սադրիչ, ցնորական բովանդակությամբ թռուցիկներ են տարածվում Երևանում: Նման հայտարարություն է տարածել «Հայաստան» խմբակցության պատգամավոր Գեղամ Մանուկյանը։
«Դրանք կեղծ են, կապ չունեն դաշինքի հետ ու պարզապես մեր երկրում նոր քարոզչական սադրանքի նպատակ են հետապնդում: Իշխանական ու մերձիշխանական սադրիչներն ու հանրային գիտակցությունը պղտորողներն ավելի ցածր մակարդակի են իջել... անզորներ: Իրավապահ էլ չկա, որ կոչ անեմ միջոցներ ձեռնարկել»,-գրել է Մանուկյանն իր ֆեյսբուքյան էջում։
Նշենք, որ համացանցում թռուցիկների լուսանկարներ են տարածվել։ Դրանցում գրված է` «Տիրասպոլը Ռուսաստան է», «Ղրիմը Ռուսաստան է», «Թող Արցախը լինի Ռուսաստան» և այլն։
armeniasputnik.am
Պիտակ
