Իրանում վառելիքի մատակարարումը պահպանվել է՝ չնայած էներգետիկ ենթակառուցվածքների վրա հարձակումներին
Իրանում վառելիքի մատակարարումը պահպանվել է՝ չնայած էներգետիկ ենթակառուցվածքների վրա հարձակումներին
Իրանի նավթամթերքների վերամշակման և բաշխման ազգային ընկերության գործադիր տնօրեն Մոհամմադ Սադեղ Ազիմիֆարը, Հայաստանի տարածքային կառավարման և ենթակառուցվածքների նախարարի հետ Իրանի նավթի նախարարի հանդիպման շրջանակում հայտարարել է, որ չնայած երկրի որոշ էներգետիկ ենթակառուցվածքների դեմ տեղի ունեցած վերջին հարձակումներին, վառելիքի արտադրության և բաշխման շղթան պահպանել է իր կայունությունը, և ներքին պահանջարկի ապահովման գործընթացում լուրջ խափանումներ չեն արձանագրվել։
Pars Today-ի հաղորդմամբ՝ Ազիմիֆարը, անդրադառնալով «Հարավային Փարս» գազային հանքավայրի, Լավանի նավթավերամշակման գործարանի և Ռեյի շրջանում վառելիքի փոխադրման ենթակառուցվածքների որոշ հատվածների վնասմանը, նշել է, որ Նավթի նախարարության արդյունավետ կառավարման և պաշտպանական միջոցառումների շնորհիվ այդ հարձակումների հետևանքները հասցվել են նվազագույնի, և վառելիքի մատակարարման գործընթացը շարունակվել է անխափան։