«Նազա». վավերագրական ֆիլմ, որը բացահայտեց Գազայում խաղաղ բնակիչների սպանությունների մեխանիզմը

Ինչպես հաղորդում է Pars Today-ը՝ վկայակոչելով IRNA-ն, այս 80-րոպեանոց վավերագրական ֆիլմը իսրայելցի կինոգործիչներ Յուվալ Աբրահամի և Ռեյչել Շորի՝ մոտ երեք տարի տևած գաղտնի աշխատանքի արդյունքն է։ Կինոգործիչները հարցազրույցներ են անցկացրել սիոնիստական ​​բանակի 24 սպայի և զինծառայողի հետ, որոնք ծառայում են հատկապես հետախուզության և թիրախների հայտնաբերման ստորաբաժանումներում։ Այդ հարցազրույցների զգալի մասն անցկացվել է գաղտնի՝ գիշերային ժամերին, Թել Ավիվի շենքերի տանիքներին, իսկ աղբյուրների ինքնությունը չի բացահայտվել՝ նրանց անվտանգությունն ապահովելու նպատակով։

 

Բացի Գազայում պատերազմի հետևանքով առաջացած ավերածությունները պատկերելուց՝ «Նազա» ֆիլմն ուսումնասիրում է հետախուզական տվյալների հավաքագրման, անհատների ու շինությունների նույնականացման, թիրախների ընտրության և հարվածների իրականացման թույլտվության գործընթացները։

 

Վավերագրական ֆիլմը նպատակ ունի ներկայացնել Գազայի վրա իրականացված հարձակումների հիմքում ընկած որոշումների կայացման մեխանիզմները. այս կառույցի վերաբերյալ բացահայտված ներքին մանրամասների շնորհիվ ֆիլմը զգալի ուշադրության է արժանացել ինչպես կինոփառատոններում, այնպես էլ միջազգային լրատվամիջոցներում։