Հեռու է հայ-թուրքական հարաբերությունների կարգավորման հեռանկարը․ Ռուբեն Սաֆրաստյան
Կարծում եմ, որ հեռու է հայ-թուրքական հարաբերությունների կարգավորման հեռանկարը։ Այս մասին NEWS.am-ի հետ զրույցում ասաց թուրքագետ Ռուբեն Սաֆրաստյանը։
Նրա խոսքով՝ Թուրքիան փաստացի աջակցում է Ադրբեջանին՝ նրան հրահրելով Հայաստանի հետ առճակատման։
«Իմ գնահատմամբ՝ հենց Թուրքիան է ղեկավարում Հայաստանի դեմ Ադրբեջանի ագրեսիվ գործողությունները։ Տվյալ գործողությունները, քիչ հավանական է, որ կսահմանափակվեն միայն սահմանին բախումներով»,-ասաց թուրքագետը։ Ըստ նրա՝ Բաքուն եւ Անկարան հեռուն հասնող նպատակներ ունեն։ Խոսքը, մասնավորապես, այսպես կոչված «Զանգեզուրի միջանցքի» մասին է։
«Այն պանթյուրքական ծրագրերի իրականացման տեսակետից կարող է կարեւոր դեր խաղալ։ Բացառված չէ, որ Անկարայի եւ Բաքվի ախորժակն այնքան մեծ է,որ հասնում է մինչեւ Հայաստանի Սյունիքի մարզ եւ նույնիսկ ավելի հեռու։ Այս պայմաններում դժվար է խոսել հայ-թուրքական հարաբերությունների կարգավորման մասին»,-ասաց թուրքագետը։
news.am
