Կովկասյան հարցերի փորձագետ. Ղարաբաղին տիրանալուց հետո Բաքուն կգնա Սյունիք
Հայաստանի Օրբելի վերլուծական-հետազոտական կենտրոնի վերլուծաբանն զգուշացրել է. «Բաքուն կանգ չի առնելու Արցախի գրավմամբ, քանի որ նրա վերջնական նպատակը Արցախը գրավելը չէ: Ադրբեջանի Հանրապետությունը գրավելու է Սյունիքը (Հայաստանի հարավը) և Հայաստանի այլ տարածքներ»։
Երիտասարդ լրագրողների ակումբին տված հարցազրույցում Ժաննա Վարդանյանն ասել է. «Իրականում Արցախը հռչակել է իր անկախությունը Խորհրդային Միության օրենքներով և կապ չունի Ադրբեջանի Հանրապետության տարածքային ամբողջականության հետ»:
Այս քաղաքագետը զգուշացրել է. «Եթե Բաքուն տիրանա Արցախին ,ապա այնտեղ ապրող հայերին ցեղասպանության կենթարկի, քանի որ Ադրբեջանի Հանրապետությունը ցանկանում է Արցախն առանց հայերի, և այն քաղաքականությունը, որը նա վարում է այսօր՝ փակելով Լաչինի միջանցքը, դա է վկայում։ Հայ ժողովուրդը գիտի պատմությունը և գիտի, որ Բաքուն ոչ մի անվտանգություն չի երաշխավորելու»։
Վարդանյանը նաև զգուշացրել է Բաքվի կողմից Լեռնային Ղարաբաղի գրավումից հետո Հայաստանում համազգային բողոքի ցույցերի և ներքին լարվածության հնարավորության մասին։
Այս քաղաքագետը տարածաշրջանային լարվածության մեջ Սիոնիստական ռեժիմի կործանարար դերի մասին ասել է. «Իսրայելի ցանկությունն է թուլացնել Իրանի դիրքերը տարածաշրջանում և ձգտում է Բաքվի միջոցով քայլեր ձեռնարկել Իրանի դեմ։ Բաքվին զենքի վաճառքը շարունակելով լարվածությունը սրվում է Հարավային Կովկասի տարածաշրջանում»։
Նա հավելել է. «Իրանը միշտ փորձել է խաղաղություն հաստատել տարածաշրջանում, և այս առումով պետք է հիշեցնեմ, որ 2022 թվականի սեպտեմբերին Հայաստանի փոխարտգործնախարարի խոսքով, Իրանի գործողությունները կանխեցին Բաքվի կողմից Հայաստանի վրա հարձակման ընդլայնումը։ Իրանը դեռ կարող է օգնել տարածաշրջանում ուժերի հավասարակշռության հաստատմանը: Բացի սրանից, Իրանի Իսլամական Հանրապետությունը կարող է ակտիվորեն մասնակցել Հայաստանում Հյուսիս-Հարավ ավտոմայրուղու կառուցման գործնթացին»։
Նշենք, որ Հայաստանի վարչապետ Նիկոլ Փաշինյանը ավելի վաղ հայտարարել էր, որ Լեռնային Ղարաբաղի տարածաշրջանը այն տարածքի մի մասն է, որը Երևանը պատրաստ է պայմանականորեն ճանաչել որպես Ադրբեջանի Հանրապետության մաս։