ՌԴ քաղաքացիների շրջանում Պուտինի ժողովրդականությունն աճել է

ՌԴ քաղաքացիների շրջանում Պուտինի ժողովրդականությունն աճել է:

Pars Today-ի հաղորդմամբ՝ Ռուսաստանում հաջորդ տարվա մարտին կայանալիք  ընտրություններին ընդառաջ Levada Center-ի հարցման արդյունքները ցույց են տալիս, որ ռուսաստանցիների 68%-ը ցանկանում է, որ Պուտինը մնա իշխանության ղեկին: 
Հարցման մասնակիցներից 18-24 տարեկան տարիքային խմբում դեմ արտահայտվողների թիվը եղել է ամենամեծը: 
Գործող նախագահին ամենաշատ աջակցությունն է հայտնել 55 տարեկանից բարձր տարիքային խումբը՝ 75 տոկոս դրական կարծիքով։
Ըստ այս հարցման՝ Պուտինին աջակցելու պատճառները բազմազան են՝ 29 տոկոսը կարծում է, որ Պուտինի քաղաքականությունը ճիշտ է և կամրապնդի երկիրը։ 20%-ը Պուտինին համարում է Ռուսաստանի համար հարմար և օգտակար առաջնորդ: 17%-ը նրան համարում է կայունության գործոն։ 17 տոկոսն ասում է, որ նրան փոխարինող չկա։ 16%-ն ասել է, որ նա ազնիվ է իր խոստումներում։ 12 տոկոսն ասել է, որ պետք է ավարտի իր սկսած ճանապարհը, ուստի նախագահին չպետք է փոխել։
Ուշագրավ է նաև այն, որ Պուտինի կողմնակիցների 85%-ն ասել է, որ երկիրը ճիշտ ուղղությամբ է ընթանում։ Միաժամանակ 34 տոկոսը նրան աջակցել է այն իրավիճակում, երբ կարծում է, որ երկիրը ճիշտ ուղու վրա չէ։