Փաշինյանն անդրադարձել է ԼՂ հարցով քառակողմ հանդիպում անցկացնելու Էրդողանի առաջարկին
Սեպտեմբեր 17, 2023 15:06 Asia/Tehran
Հայաստանի վարչապետ Նիկոլ Փաշինյանն անդրադարձավ Լեռնային Ղարաբաղի հարցով քառակողմ հանդիպում կազմակերպելու վերաբերյալ Թուրքիայի նախագահ Ռեջեփ Թայիփ Էրդողանի հրապարակային առաջարկին:
«Արմենպրես»-ի փոխանցմամբ՝ լրագրողների հետ զրույցում, անդրադառնալով այս առաջարկի վերաբերյալ հարցին, Փաշինյանն ասաց. «Ամենատարբեր առաջարկներ ու գաղափարներ կան: Ես չեմ ուզում առանձնացնել այդ գաղափարներից մեկը: Դա միակ գաղափարը չէ, որ ես վերաբերմունք արտահայտեմ»:
Նա հավելեց՝ հարցը պետք է նայել ամբողջության մեջ:
Թուրքիայի նախագահ Ռեջեփ Թայիփ Էրդողանը սեպտեմբերի 16-ին հայտարարել էր, որ Ռուսաստանին, Ադրբեջանին և Հայաստանին առաջարկել է առաջնորդների մակարդակով քառակողմ հանդիպում անցկացնել ղարաբաղյան հիմնախնդրի շուրջ։
Պիտակ
