Հայաստանի և Ադրբեջանի ԱԳ նախարարները Գուտերեշի հետ քննարկել են Լեռնային Ղարաբաղի հարցը

Հայաստանի և Ադրբեջանի ԱԳ նախարարներ Արարատ Միրզոյանը և Ջեյհուն Բայրամովը ՄԱԿ-ի գլխավոր քարտուղար Անտոնիո Գուտերեշի հետ առանձին հանդիպումներում քննարկել են Հարավային Կովկասի, այդ թվում՝ Լեռնային Ղարաբաղի զարգացումները։

ԻՌՆԱ-ն, հղում անելով Հայաստանի Հանրային ռադիոյին, հայտնում է, որ Միրզոյանը ՄԱԿ-ի Գլխավոր ասամբլեայի շրջանակներում հանդիպել է Գուտերեշին, և կողմերը քննարկել են Հարավային Կովկասի ու Ղարաբաղի վերջին զարգացումները։

Ըստ այս հաղորդման՝ Միրզոյանը կարևորել է միջազգային կառույցների` ՄԱԿ-ի և նրա գործակալությունների մուտքը Լեռնային Ղարաբաղ։

Ադրբեջանական Trend լրատվական գործակալությունը հայտնել է, որ Բայրամովը ՄԱԿ-ի Գլխավոր ասամբլեայի շրջանակներում նույնպես հանդիպել է Գուտերեշի հետ և ՄԱԿ-ի գլխավոր քարտուղարին է ներկայացրել տարածաշրջանւ իրավիճակը, Բաքվի և Երևանի միջև խաղաղության ծրագիրը և տեղեկացրել Ղարաբաղի հայկական ուժերի զինաթափման մասին: