Խոջալույում տեղի է ունեցել Բաքվի և Ղարաբաղի հայերի ներկայացուցիչների հանդիպումը
Ադրբեջանի պետական լրատվական գործակալության հաղորդման համաձայն՝ Ղարաբաղի քաղաքներից համարվող՝ Խոջալույում տեղի է ունեցել Բաքվի և Ղարաբաղի հայերի ներկայացուցիչների հանդիպումը:
Առաջին հանդիպումը Ադրբեջանի նախագահի հրավերով տեղի էր ունեցել 2023 թվականի սեպտեմբերի 21-ին (անցած հինգշաբթի)՝ Բաքվի մոտ գտնվող Եվլախ քաղաքում, փակ դռների հետևում։
Եվլախում կայացած հանդիպումից հետո, Ղարաբաղի հայերի ներկայացուցիչը հայտարարեց,-«Բաքվի հետ վերջնական համաձայնության գալ չի հաջողվել, համատեղ համաձայնագիր չկա, քանի որ առաջիկայում պետք է համաձայնեցվեն որոշակի մանրամասներ»: Իսկ Ադրբեջանի ներկայացուցիչը հայտարարեց, որ Լեռնային Ղարաբաղի հայերի և Ադրբեջանի միջև բանակցությունները կարող են հանգեցնել խաղաղ պայմանագրի կնքմանը, որը վերջ կդնի հակամարտությանը։
Նրա խոսքով, դժվար է Եվլախում մեկ հանդիպումից ակնկալել, որ Ղարաբաղի հայերի եւ Ադրբեջանի միջեւ բոլոր տարաձայնությունները կլուծվեն:
Ի դեպ ռուսական «ՌԻԱ Նովոստի» լրատվական գործակալությունը, վկայակոչելով Ադրբեջանի նախագահի հատուկ հանձնարարությունների գծով ներկայացուցչին հաղորդել է,որ Բաքուն խաղաղության պայմանագրի նախագիծը հանձնել է Երևանին և սպասում է Հայաստանի իշխանությունների արձագանքին։