Առաջիկայում Իրանում «3+3» ձևաչափով ԱԳ նախարարների մակարդակով հանդիպում կանցկացվի
Հոկտեմբեր 19, 2023 13:52 Asia/Tehran
Առաջիկայում Իրանում «3+3» (Հայաստան, Վրաստան, Ադրբեջան, Իրան, Ռուսաստան, Թուրքիա) ձևաչափով արտգործնախարարների մակարդակով հանդիպում կանցկացվի։
Այս մասին հինգշաբթի Trend-ին հայտնել է իրազեկ աղբյուրը։
Նշվում է, որ Հայաստանը ևս համաձայնել է մասնակցել հանդիպմանը։
Իրանի ԱԳ նախարար Հոսեյն Ամիր Աբդոլլահիանը Հայաստանի Անվտանգության խորհրդի քարտուղար Արմեն Գրիգորյանի հետ հանդիպմանն ասել էր, որ Կովկասում գործընթացները կարող են լուծվել տարածաշրջանի տեղական դերակատարների և հարևանների մասնակցությամբ` ընդգծելով, որ «3+3» ձևաչափը տարածաշրջանային խնդիրների լուծման արդյունավետ մեխանիզմ է։
Պիտակ
