ՀՌՀ նախագահն առաջարկում է սահմանափակել TikTok-ի հասանելիությունը Հայաստանում
Հայաստանի հեռուստատեսության և ռադիոյի հանձնաժողովի նախագահ Տիգրան Հակոբյանն առաջարկում է Հայաստանում սահմանափակել TikTok սոցիալական ցանցի հասանելությունը։
Այս մասին նա այսօր հայտարարեց ԱԺ-ում ներկայացնելով 2023թ. կատարած աշխատանքների հաշվետվությունը։
Որպես օրինակ նա հիշեցրեց Եվրահանձնաժողովի ղեկավար Ուրսուլա ֆոն դեր Լյայենի հայտարարությունը, ըստ որի TikTok սոցիալական ցանցը կարող է արգելափակվել Եվրամիության տարածքում:
Հակոբյանը նշեց, որ նույնիսկ ամենաժողովրդավարական երկրները սկսում են սահմանափակել այն ալիքները կամ ցանցերը, որոնք մարդկանց գիտակցության վրա են ազդում։
«Ես կարծում եմ, որ եթե նրանք դա անում են, մենք նույնպես կարող ենք անել։ Չգիտեմ դրա տեխնիկական հնարավորությունների մասին, որովհետև կարծում եմ, որ դա թանկ հաճույք է։ Բայց մենք պետք է մտածենք վտանգավոր բովանդակության հարթակների ազդեցությունը մեր հասարակության վրա սահմանափակելու մասին»,- ասաց Տիգրան Հակոբյանը։
Նրա խոսքով ՝ տեխնիկական հեղափոխությունը հանգեցրել է նրան , որ պետությունը չի կարող վերահսկել մարդկանց հասանելի ամբողջ տեղեկատվությունը և դրա համար են, այսօր ամբողջ աշխարհում երկրներն անցել են բովանդակության սահմանափակումների։
Տիգրան Հակոբյանի կարծքով՝ Հայաստանն այս առումով ուշանում է։
