Հաջիևը Ռուդենկոյի հետ խոսել է ՀՀ «օրենսդրությունը փոխելու անհրաժեշտությունից»
Ադրբեջանի նախագահի օգնականի Հիքմեթ Հաջիևը Մոսկվայում ԱՊՀ պետությունների ղեկավարների խորհրդի նիստին շրջանակում ՌԴ ԱԳ փոխնախարար Անդրեյ Ռուդենկոյի հետ աշխատանքային հանդիպման ժամանակ քննարկել է հայ-ադրբեջանական կարգավորման ընթացքը՝ շեշտը դնելով Հայաստանի «օրենսդրության փոփոխության բացարձակ անհրաժեշտության վրա»:
Նա նշել է, թե դա անհրաժեշտ է «Ադրբեջանի հանդեպ Հայաստանի տարածքային հավակնությունների հետ կապված դրույթները հանելու համար»,–գրում է ԱՊԱ–ն։
Զրուցակիցները քննարկել են նաև Ադրբեջանի և Ռուսաստանի միջև երկկողմ դաշնակցային փոխգործակցության, ինչպես նաև տարածաշրջանային ընթացիկ հարցեր։
Հատուկ ուշադրություն է դարձվել «3+3» ձևաչափով համագործակցությանը Ադրբեջան-Ռուսաստան-Իրան ձևաչափով, ինչպես նաև Հյուսիս-Հարավ տրանսպորտային միջանցքի, ՇՀԿ-ի և ԲՐԻԿՍ-ի հետ Ադրբեջանի փոխգործակցությանը և այլ հարցերի:
ՀՀ վարչապետ Նիկոլ Փաշինյանը հայտարարել է, որ hայկական կողմն առաջարկել է ստորագրել խաղաղության պայմանագրի արդեն համաձայնեցված հոդվածները` մինչև Բաքվում կայանալիք COP29-ը: Ավելի վաղ Փաշինյանն ասել էր, որ 17 հոդվածից լիարժեք համաձայնեցված է 13–ը, ինչպես նաև նախաբանը։ Ադրբեջանը մերժել է այդ առաջարկը։ Ալիևը հայտարարել, է, որ առանց ՀՀ սահմանադրության փոփոխության խաղաղության պայմանագրի կնքումն անհնար կլինի։