Քրդական համայնքն ակցիա է իրականացնում Երևանում ՄԱԿ-ի գրասենյակի մոտ

1999 թվականից Օջալանը բանտարկված է Էմրալի կղզում։

Քրդական համայնքը Երևանում ՄԱԿ-ի գրասենյակի մոտ բողոքի ակցիա է իրականացնում Աբդուլլահ Օջալանի բանտարկության 26-րդ տարելիցի կապակցությամբ։

Նրանք կարծում են, որ Օջալանն անհիմն է դատապարտված ու կոչ են անում ամբողջ աշխարհին ուշադրություն դարձնել քրդերի նկատմամբ թուրքական իշխանությունների կողմնակալ քաղաքականությանը։

Նշենք, որ հեղափոխական և քաղաքական գործիչ, Քրդական բանվորական կուսակցության հիմնադիր և նախկին ղեկավար Աբդուլլահ Օջալանը Թուրքիայում դատապարտված է ցմահ ազատազրկման։ 1999 թվականից նա բանտարկված է Էմրալի կղզում։