Տարածաշրջանի ապաշրջափակման հարցի շուրջ առկա տարաձայնությունները

Խորհրդարանական շաբաթն ամփոփող ճեպազրույցների առանցքային թեմաներից մեկը տարածաշրջանի ապաշրջափակման և խնդրի հնարավոր հանգուցալուծման դեպքում Հայաստանի տարածքով անցնող ադրբեջանական բեռների ստուգման հարցն էր։

Իշխող մեծամասնության ներկայացուցիչները արձանագրում են՝ Հայաստանով չի կարող անցնել որևէ բեռ, որի պարունակության մասին իրավասու մարմինը բավարար տեղեկություններ չի ունենա, բայց սրանք տեխնիկական հարցեր են ու դեռ քննարկման սեղանին են։