Հայտնի է ՀՀ Ազգային ժողովի հաջորդ ընտրությունների օրը
ՀՀ Ազգային ժողովի հերթական ընտրությունները տեղի կունենան 2026 թ–ի հունիս 7–ին։ Այս մասին Տելեգրամի իր ալիքում գրել է ՀՀ ԱԺ նախագահ Ալեն Սիմոնյանը։
«Այսօր հունիսի 7-ն է։ Հայաստանի Հանրապետության Ազգային ժողովի հաջորդ ընտրություններին մնաց ուղիղ մեկ տարի։ Հետհաշվարկը սկսված է…»,– գրել է նա։
Նշենք, որ ԱԺ վերջին ընտրությունները տեղի են ունեցել 2021թ–ին։Հիշեցնենք` ընդդիմադիր ակտիվիստ, քաղաքական գործիչ Էդգար Ղազարյանն ու «Վետօ» շարժման անդամ Նարեկ Մալյանը ապրիլի 28-ին 107 նամակներ ուղարկեցին ԱԺ 107 պատգամավորներին՝ առաջարկելով խելամիտ ժամկետում վարչապետի իմպիչմենտ նախաձեռնելու գործընթաց սկսել։
Մայիսի 2-ին «Հայաստան» խմբակցությունը հայտարարեց, որ պատրաստ է միանալ ՀՀ վարչապետ Նիկոլ Փաշինյանի նկատմամբ իմպիչմենտ նախաձեռնելու գործընթացին, եթե նման գործընթաց նախաձեռնողները կարողանան ապահովել պակասող 8 պատգամավորի ստորագրությունը։
Sputnik