Սյունիքի մարզում 3 նոր սահմանապահ ուղեկալ է բացվել
Նոյեմբեր 23, 2025 15:08 Asia/Tehran
ՀՀ Սյունիքի մարզում երեք նոր սահմանապահ ուղեկալ է բացվել։ Տեղեկոթյունը հայտնում է ԱԱԾ մամուլի ծառայությունը։
«ՀՀ ԱԱԾ սահմանապահ զորքերի N ջոկատում տեղի ունեցավ «Կոռնիձոր», «Խնձորեսկ» և «Հարթաշեն» սահմանապահ ուղեկալների բացման արարողությունը»,– նշված է հաղորդագրության մեջ։
ՀՀ ԱԱԾ տնօրեն Անդրանիկ Սիմոնյանը շրջայց է կատարել նորակառույց երեք ուղեկալներում, ծանոթացել զինծառայողների կենցաղային և ծառայողական պայմաններին, սպառազինության և նյութատեխնիկական միջոցներին։
Այցի ընթացքում Անդրանիկ Սիմոնյանը ծանոթացել է նաև նորակառույց ուղեկալների սպայական կացարանների կենցաղային պայմաններին, որոնք ամբողջությամբ համապատասխանում են ժամանակակից չափորոշիչներին՝ հագեցած են ուղեկալներում սպաների ընտանիքների բնակության համար անհրաժեշտ գույքով և տեխնիկայով։
Պիտակ
