Նոյեմբերի 29-ին դուրս կբերվի Աստվածամուխ Սուրբ Գեղարդը
Նոյեմբեր 25, 2025 14:11 Asia/Tehran
Հայաստանյայց Առաքելական Սուրբ եկեղեցին նոյեմբերի 29-ին տոնախմբելու է հայոց առաջին լուսավորիչներ Սուրբ Թադեոս և Սուրբ Բարդուղիմեոս առաքյալների տոնը:
«Արմենպրես»–ի փոխանցմամբ՝ Մայր աթոռի տարածած հաղորդագրության մեջ նշվում է, որ առաքյալների տոնը նաև հռչակվել է Աստվածամուխ Սուրբ Գեղարդի ուխտի օր:
Մայր Տաճարում ժամը 10։30-ին կմատուցվի Սուրբ Պատարագ, որի ընթացքում դուրս կբերվի Աստվածամուխ Սուրբ Գեղարդը և հավատացյալների երկրպագության համար Մայր Տաճարում կմնա մինչև 18։00։
Տոնի նախորդ օրը՝ նոյեմբերի 28-ին ժամը 17։30–ին երեկոյան ժամերգության ընթացքում Մայր Տաճարում կկատարվի նախատոնակ, որի ընթացքում դուրս կբերվեն Սուրբ Թադեոս և Սուրբ Բարդուղիմեոս առաքյալների մասունքները։
https://armenpress.am/hy/article/1235929
Պիտակ
