Հայաստանի ռազմավարական կախվածության աճը Բաքվից. Երևանի ինտերնետն անցնելու է Ադրբեջանի տարածքով
Հայաստանը, Ադրբեջանի Հանրապետության հետ նոր համաձայնագիր ստորագրելով, առաջին անգամ իր միջազգային ինտերնետային ցանցի մի մասն ուղղորդելու է Բաքվի հեռահաղորդակցական ենթակառուցվածքներով. գործողություն, որը շատ փորձագետների կարծիքով մեծացնում է Երևանի ռազմավարական կախվածությունը իր վաղեմի մրցակցից և կարող է Ադրբեջանի Հանրապետությանը ճնշման նոր լծակներ տրամադրել:
Ինչպես հաղորդում է «Pars Today»-ը, «Azərtelecom»-ը և «Telecom Armenia»-ն համաձայնագիր են ստորագրել, որի համաձայն Հայաստանի միջազգային ինտերնետի տարանցումն իրականացվելու է Ադրբեջանի Հանրապետության ենթակառուցվածքների միջոցով: Այս զարգացումը տեղի է ունենում այն պայմաններում, երբ Հայաստանը վերջին երեք տասնամյակների ընթացքում իր հաղորդակցության անվտանգությունը պահպանելու համար առաջնահերթություն էր տվել Իրանի և Վրաստանի միջոցով այլընտրանքային ուղիներին:
Քննադատները կարծում են, որ կենսական թվային զարկերակների մի մասը Հայաստանի հետ երկարատև լարվածության և հակամարտությունների պատմություն ունեցող երկրին հանձնելը կարող է մեծացնել Երևանի խոցելիությունը կիբերանվտանգության և հաղորդակցության ոլորտում: Այս համաձայնագիրը նաև թուլացնում է այլընտրանքային հաղորդակցական ուղիների, այդ թվում՝ Հայաստանի վաղեմի դաշնակից Իրանի տարածքով անցնող միջանցքների ավանդական դիրքերը և ավելի է ընդգծում Բաքվի դերը Հարավային Կովկասի հաղորդակցական հավասարակշռության մեջ:
Փորձագետները նախազգուշացնում են, որ որքան Հայաստանի կենսական ենթակառուցվածքներն ավելի շատ կապվեն Ադրբեջանի Հանրապետության հետ, այնքան Երևանի սակարկելու ուժը կնվազի տարածաշրջանի ապագա զարգացումներում: