Իրան-Պակիստան հարաբերությունների ամրապնդումը Զարիֆի և Օմրան Խանի բանակցության առանցքում
Իրանի ԱԳ նախարարը և Պակիստանի վարչապետը չորեքշաբթի օրը հանդիպել են Իսլամաբադում: Նրանք քննարկել են երկկողմ հարաբերությունների ամրապնդման ուղիները: Այս մասին տեղեկացնում է Իրանի ռադիո-հեռուստատեսության լրատվական ծառայությունը:
Մոհամմադ Ջավադ Զարիֆը և Պակիստանի վարչապետ Օմրան Խանն այդ հանդիպման ժամանակ նաև խոսել են իրանցի առևանգված սահմանապահների վիճակի մասին:
Նշելով, որ Իսլամաբադը մեծ նշանակություն է տալիս Թեհրանի հետ իր հարաբերություններին, Պակիստանի վարչապետն ասել է.«Պակիստանը ցանկանում է բոլոր ոլորտներում ամրապնդել իր հարաբերությունները Իրանի հետ»:
Ավելի վաղ Զարիֆը բանակցել է Պակիստանի բանակի ռազմացամաքային ուժերի հրամանատար Ղամար Ջավիդ Բաջուայի և այդ երկրի ԱԳ նախարար Շահ Մահմուդ Ղորեյշի հետ:
Մոհամմադ Ջավադ Զարիֆի գլխավորած բարձրաստիճան պատվիրակությունը չորեքշաբթի առավոտյան ժամանել է Պակիստան Իրանցի առևանգված սահմանապահների հարցին հետամուտ լինելու նպատակով: