Հակաօդային պաշտպանության համատեղ զորավարժությունը՝ երկնքում ռազմական հզորության ցուցադրում
Այսօր՝ երկուշաբթի, Իրանի արևելքում, հյուսիսում, կենտրոնում ու արևմուտքում մեկնարկելու է հակաօդային պաշտպանության համատեղ զորավարժությունը:
ԻԻՀ բանակի համադրման հարցերով տեղակալ զորավար Հաբիբոլլահ Սայյարին, կիրակի օրը Թեհրանի արևելքում գտնվող Սեմնանի ընդհանուր տարածքում ասել է. «Հակաօդային պաշտպանության «Վելայաթ-97» զորավարժության առաջին փուլը կսկսվի սարքավորումների կայծակնային տեղադրմամբ ու տարածմամբ: Այս փուլը կիրականացվի 2 օրերի ընթացքում, Իրանի արևելքում, հյուսիսում, կենտրոնում ու արևմուտքում գտնվող 500 քկմ տարածությամբ տարածքում»:
«ԻԻՀ բանակի հակաօդային պաշտպանության զորակայանը, Իսլամական հեղափոխության պահակազորի ավիա-տիեզերային ուժերը և ԻԻՀ բանակի օդուժն այս զորավարժության ընթացքում կփորձարկեն տեղական ամենավերջին արտադրությունները»,-հայտարարել է զորավար Սայյարին:
ԻԻՀ բանակի համադրման հարցերով տեղակալն ընդգծել է. «Հակաօդային պաշտպանության զորավարժությունը տարբերվելու է նախորդ տարիներին կազմակերպված զորավարժություններից և դրա ընթացքում փորձարկվող հրթիռները, համակարգերը, զինամթերքն ու նաև տեսական վարժանքները թարմացվել են համաձայն օրվա սպառնալիքների»:
