Ղասեմին Եվրոպային կոչ է արել անհապաղ իրագործել ՀԳՀԾ-ի նկատմամբ իր հանձնառությունները
Իրանի արտգործնախարարության խոսնակը Եվրոպային կոչ է արել անհապաղ իրագործել ՀԳՀԾ-ն պահպանելու համար ֆինանսական մեխանիզմները:
Երկուշաբթի օրը, ներքին ու արտասահմանցի լրագրողների հետ հանդիպման ժամանակ, Բահրամ Ղասեմին ասել է.«ՀԳՀԾ-ում մնացած երկրները հարգում են իրենց հանձնառությունն այս համաձայնության նկատմամբ, հետևաբար Իրանն ակնկալում է ինչքան շուտ իրագործել անհրաժեշտ ձևաչափերը»:
Ղասեմին նշել է, որ եթե ՀԳՀԾ-ի մյուս կողմերը չեն կարող կատարել իրենց հանձնառությունները, Իրանը ևս ոչ մի երկրի չի սպասելու և կօգտվի իր միջոցներից:
Իրանի արտգործնախարարության խոսնակն ասել է.«ԻԻՀ-ը իր բոլոր հնարավորություններից ու տեղական պոտենցիալներից օգտվում է իր տնտեսական նպատակների իրագործման համար»:
Իրանի ու Ռուսաստանի միջև ֆինանսական ձևաչափի և դրան այլ երկրերի միանալու հավանականության մասին Ղասեմին ասել է. «Այդ հարցով Իրանը բանակցում է որպես կարևոր գործընկեր Ռուսաստանի, Չինաստանի և այլ երկրների հետ»:
Վերջին ամիսների ընթացքում եվրոպական երկրներում Իրանի դեմ նյութված դավադրությունների և Իրանին ուղղված մեղադրանքների մասին Իրանի արտաքին գերատեսչության խոսնակը հավաստիացրել է, որ նման մեղադրանքները ոչ մի առնչություն չունեն Իրանի հետ և իսլամական հանրապետությունը հերքում է դրանք:
