Ռոհանին կարևորել է Թեհրան-Բաքու բազմակողմանի հարաբերությունների ամրապնդման անհրաժեշտությունը
ԻԻՀ-ի նախագահը կարևորել է Թեհրան-Բաքու բազմակողմանի հարաբերությունների ամրապնդման և երկկողմ համաձայնությունների արագ գործադրման անհրաժեշտությունը:
Երեքշաբթի օրը Ադրբեջանի խորհրդարանի նախագահ Օգտայ Ասադովի հետ Թեհրանում կայացած հանդիպման ժամանակ, անդրադառնալով կարևորելով տարբեր այդ թվում արդյունաբերության, դեղագործության, գիտության ու տեխնոլոգիայի ոլորտներում Թեհրան-Բաքու համագործակցությունների ընդլայնման անհրաժեշտությունն Իրանի նախագահ Հասան Ռոհանին հավելել է.«Կասպից ծովի էներգիայի աղբյուների շահագործման հարցում Թեհրանն ու Բաքուն կարևոր որոշում են ընդունել, ինչը պետք է պատասխանատուների ջանքերով հնարավորինս շուտ գործադրման հանձնվի»:
Նշելով որ տարածաշրջանային խնդիրներն ու տարաձայնությունները պետք է կարգավորվեն քաղաքական բանակցությունների ճանապարհով, նախագահ Ռոհանին հայտնել է, որ Թեհրանը պատրաստ է համագործակցել տարածաշրջանային ցանկացած հակամարտության կարգավորման հարցում:
Ադրբեջանի խորհրդարանի նախագահ Օգտայ Ասադովը կարևորել է Թեհրան-Բաքու բազմակողմիանի հարաբերությունների ու համագործակցությունների ընդլայնման հարցում ջանքեր գործադրելու անհրաժեշտությունը: Ասադովն ասել է.«Տարածաշրջանային ու միջազգային հարցերում Իրանի մոտեցումը ինքնիշխանության ու հարևան երկրների տարածքային ամբողջականության պահպանումն է»:
Գլխավորելով Ադրբեջանի պառլամենտական մի պատվիրակություն Օգտայ Ասադովը ժամանել է Թեհրան: Նախաքան Իրանի նախագահի հետ հանդիպումը Ասադովը հանդիպում և զրույց է ունեցել Իրանի խորհրդարանի նախագահ Ալի Լարիջանիի հետ:
