Զարիֆ.«ԱՄՆ-ի ներկայությունը Պարսից ծոցում լարվածություն է հարուցում»
Իրանի իսլամական հանրապետության ԱԳ նախարարը չինական «Ֆոնիքս» հեռուստաընկերությանը տված բացառիկ հարցազրույցում ասել է.«Պարսից ծոցում ԱՄՆ-ի ներկայությունն անօրինական լինելուց բացի, ուղեկցվում է լարվածությամբ»:
Իրանի ԱԳ նախարար Մոհամմեդ Ջավադ Զարիֆն ասել է.«Պարսից ծոցում ամերիկյան նավի ներկայությունն իրականում լարվածություն է հարուցում և երբ ամերիկացիներն իրենց ներկայությունը մեծացնում են Պարսից ծոցում, ապա պարսիցծոցյան բոլոր երկրները հայտնվում են վտանգի առջև»:
Զարիֆը հավելել է.«Իրանը հզոր երկիր է և կարող է պաշտպանել իր շահերը»:
Իրանի ԱԳ նախարարը Սիրիայից ամերիկյան զորքերի դուրս գալու կապակցությամբ ասել է.«Մենք դեռ չգիտենք, որ ամերիկացիները ինչ ծրագիր ունեն, ԱՄՆ-ի քաղաքականությունը տարածաշրջանում վտանգավոր է, ինչը պետք է անպայման փոխվի»:
«Իրանը երբեք չի բանակցելու ԱՄՆ-ի հետ, ամերիկացիներն իրենք են լքել Համատեղ գործողությունների համապարփակ ծրագիրը և իրենք էլ պետք է վերադառնան բանակցության սեղանին»,նշել է Զարիֆը:
