Իրանի արտգործնախարարությունը կարևորել է տարածաշրջանից ԱՄՆ-ի դուրս գալը
Իրանի արտգործնախարարության խոսնակն ասել է.«ԱՄՆ-ի նախագահի վերջերս Իրաք կատարած այցն Իրաքի ինքնիշխանության կատարյալ խախտում և այդ երկրի ժողովրդի դեմ ուղղված անարգանք էր»:
Անդրադառնալով Միջին Արևելյան որոշ երկրներում ԱՄՆ-ի զորայինների տեղակայմանը, կիրակի օրը, Բահրամ Ղասեմին ասել է.«ԱՄՆ-ը պետք է իր տուն վերադառնա և նման անհարկի ծախսերի փոխարեն, որոնք հանգեցնում են անմեղ մարդկանց սպանությանը, ավելի լավ է մտածի, թե ինչ քայլն է ավելի հարմար տարածաշրջանի, աշխարհի և ԱՄՆ-ի ժողովրդի համար»:
Անդրադառնալով Սիրիայից ամերիկացի բանակայինների դուրս գալու մասին ԱՄՆ-ի որոշմանը, Իրանի արտգործնախարարության խոսնակն ասել է.«Դեռ անորոշություններ կան այդ մասին, սակայն հաշվի առնելով Միջին Արևելքի վայրիվերումներով լի իրադարձությունները, ԱՄՆ-ը տեղ չունի այս տարածաշրջանում»:
Յոթ տարի Սիրիայի օրինական կառավարությունը կործանելու հարցում ահաբեկիչների ձախողումից հետո, դեկտեմբերի 19-ին, ԱՄՆ-ի նախագահ՝ Դոնալդ Թրամփը հայտարարեց, որ մոտ ապագայում ամերիկացի բանակայինները դուրս են գալու Սիրիայից:
