Ռոհանի.«Ահաբեկչությունը տարածաշրջանի ամենակարևոր խնդիրներից է և պահանջում է միասնական պայքար»
Նշելով, որ ահաբեկչությունը Միջինարևելյան տարածաշրջանի ամենակարևոր խնդիրներից է, ԻԻՀ նախագահն ասել է.«Ահաբեկչության չարաբաստիկ երևույթի դեմ պայքարը բոլոր երկրների համագործակցության կարիք ունի»:
Ռուսաստանի Սոչի քաղաքում Թուրքիայի նախագահ Ռեջեբ Թայիբ Էրդողանի հետ հանդիպման ժամանակ, նշելով, որ Իրանն ու Թուրքիան վճռական են տրամադրված ահաբեկչության դեմ մղվող պայքարում և համագործակցում են միմյանց հետ, ԻԻՀ նախագահ Հասան Ռոհանին ասել է.«Ցավոք տարածաշրջանի ահաբեկչական խմբավորումները տարիներ է, որ հովանավորվում են օտարերկրյա ուժերի, հատկապես ԱՄՆ-ի կողմից»:
Սոչիում Իրան-Ռուսաստան-Թուրքիա եռակողմ հանդիպման մասին Ռոհանին ասել է.«Այն դեպքում, երբ Իրանը, Թուրքիան և Ռուսաստանը Սոչիում ջանքեր են գործադրում տարածաշրջանում կայունության ամրապնդման և Սիրիայում ահաբեկչության դեմ պայքարի ուղղությամբ, մի խումբ էլ, որոնք աջակցում են ահաբեկիչներին, Վարշավայում դավեր են նյութում տարածաշրջանի կայունության ու անվտանգության դեմ»:
Ռեջեբ Թայիբ Էրդողանը ևս ասել է.«Անկարան կշարունակի Իրանի հետ երկկողմ ու տարածաշրջանային համագործակցությունները ահաբեկչության դեմ պայքարի ուղղությամբ»:
Ողջունելով Եվրոպայի ու Իրանի վճարումների հատուկ մեխանիզմի՝ INSTEX-ի «Առևտրային փոխանակումների աջակցության գործիք»-ի ստեղծումը, Թուրքիայի նախագահն ասել է.«Թուրքիան պատրաստ է INSTEX-ի շրջանակում համագործակցել Իրանի հետ և ստեղծել երկկողմ նմանատիպ մեխանիզմ»:
