Լարիջանի.«Ամերիկացիները տնտեսական ահաբեկչի դեր են խաղում»
Իրանի իսլամական խորհրդարանի նախագահն ասել է.«Միացյալ Նահանգները տնտեսական ճնշումներ գործադրելով Իրանի կառավարության ու ժողովրդի նկատմամբ, տնտեսական ահաբեկչի դեր է խաղում»:
«Ալ Ջազիրա» հեռուստաընկերությանը տված հարցազրույցում, Ալի Լարիջանին հավելել է.«Ներկայումս ԱՄՆ-ն տարածաշրջանի որոշ երկրների նկատմամբ ճնշում գործադրելով տնտեսական ահաբեկչի դերում է հանդես գալիս»:
Լարիջանին Համատեղ գործողությունների համապարփակ ծրագրի վերաբերյալ ասել է.«Ոչ մի պատճառ չկա ,որ Իրանը հավատարիմ չլինի մի համաձայնագրի,որին հավատարիմ է ողջ աշխարհը,բացառությամբ մի երկրի, որը մշտապես խնդիր է հարուցում»:
Անդրադառնալով Իրանի ժողովրդի դեմ ԱՄՆ-ի կիրառած պատժամիջոցներին, Լարիջանին նշել է.«Իրանը մեծ երկիր է և ունի մեծ հնարավորություններ և կհաղթահարի բոլոր դժվարությունները»:
«Իսլամական հանրապետությունն իր արտաքին քաղաքականության մեջ համոզված է,որ պետք է սերտ հարաբերություն ունենալ տարածաշրջանի երկրների հետ»,ասել է Լարիջանին:
