Թեհրանում Շվեյցարիայի դեսպանն արտգործնախարարություն է կանչվել
ԱՄՆ-ի ԱԹՍ-ն Իրանի օդային տարածքը խախտելու պատճառով, Թեհրանում ԱՄՆ-ի շահերի պաշտպան՝ Շվեյցարիայի դեսպանն արտգործնախարարություն է կանչվել:
Հինգշաբթի առավոտյան վաղ ժամերին Իսլամական հեղափոխության պահապանների կորպուսի օդուժն Իրանի հարավում գտնվող Հորմոզգան նահանգի Մուբարաք լեռան մերձակա տարածքում խոցել է ամերիկյան անօդաչու թռչող սարքը:
Ուրբաթ օրը, Թեհրանում Շվեյցարիայի դեսպան՝ Մարկուս Լայթների հետ հանդիպման ժամանակ, Ամերիկային հարցերի գծով Իրանի արտգործնախարարության գերատեսուչ, նախարարի օգնական՝ Մոհսեն Բահարվանդը պաշտոնական գրություն ներկայացնելով, բողոքել է ԱՄՆ-ի կողմից իսլամական հանրապետության օդային տարածքը խախտվելու դեմ և հայտարարել է, որ նման սադրիչ քայլերի հետևանքների համար պատասխանատու է ԱՄՆ-ի կառավարությունը:
Ամերիկյան լրտեսական ինքնաթիռի ոտնձգության մասին ավելի մանրամասնություններ ներկայացնելով, Բահարվանդն ասել է.«Կործանված ինքնաթիռի բեկորները հայտնաբերվել են Իրանի ջրատարածքում, այժմ Իրանի զինված ուժերի մոտ են գտնվում և հարկ եղած դեպքում կցուցադրվեն»:
Նշելով, որ իսլամական հանրապետությունը որևէ երկրի դեմ պատերազմի չի ձգտում, Իրանի արտգործնախարարի օգնականն ընդգծել է, որ Իրանի զինված ուժերը ոչ մի ոտնձգողական քայլ չեն հանդուրժելու և խիստ դիմակայելու են նման քայլերին:
Հանդիպման ժամանակ, Թեհրանում Շվեյցարիայի դեսպանն ասել է.«Այդ ամենի մասին անմիջապես իրազեկելու է Վաշինգտոնին»:
