Իրաքի ԱԳ նախարարը կարևորել է Իրանի հետ համագործակցության ամրապնդումը

Իրաքի արտաքին գործերի նախարար Մուհամմադ Ալի ալ-Հաքիմը, երկուշաբթի օրը հեռախոսազրուցյ է ունեցել Իրանի արտգործնախարար Մոհամմադ Ջավադ Զարիֆի հետ: Հեռախոսազրույցում, նա կարևորել է Բաղդադի և Թեհրանի միջև երկկողմ համագործակցության ամրապնդումը:

Իրաքի ԱԳ նախարարությունը տարածել  հայտարարություն, որում ասվում է. «Զարիֆի հետ հեռախոսազրույցում, Իրաքի ԱԳ նախարարն ընդգծել է երկու երկրների համատեղ նպատակներին հասնելու համար, Բաղդադի ու Թեհրանի միջև համագործակցույթունների ամրապնդման  և բոլոր ոլորտներում ռազմավարական  հարաբերությունների հաստատման կարևորությունը»:

Հաքիմն ու  Զարիֆը նաև քննարկել են տարածաշրջանային խնդիրները ՝ ընդգծելով տարածաշրջանային կայունության հասնելու համար  ջանքերը շարունակելու անհրաժեշտությունը: